धुरंधर 1&2 The Music

श्री 

धुरंधर 1&2 The Music

एका सिनेमाचा तिसरा रिव्यू लिहिण्याची पहिलीच आणि कदाचित शेवटची वेळ असेल.
 मी, धुरंदर 1 आणि 2 हा एकच सिनेमा समजतो आणि आता जरा या दोन्ही सिनेमांच्या music बद्दल !
बघा, या सिनेमात जर का म्युझिकच नसतं किंवा जे म्युझिक दिलय , त्या प्रकारचं नसतं , तर कसा वाटला असता सिनेमा ?मला तर कल्पनाच करवत नाही, जुन्या नवीन गाण्याचा उत्तम संगम , गझल असो किशोर कुमारची गाणी पेरलेली असोत किंवा जुन्या गाण्यांचा रिमिक्स करून त्याच्यात आवश्यकता beats घालून जे काही सुंदर फ्युजन त्यांनी केलंय ते निव्वळ अप्रतिम !
नुसती गाणी नसून प्रसंगाला पण साजेशी अशी , त्या त्या प्रसंगा बरोबर गाणी पेरली आहेत , त्यामुळे ती गाणी आपण फास्ट फॉरवर्ड केली तर पिक्चरचा बराचसा कंटेंट Miss होईल.
अर्थात फास्ट फॉरवर्ड करवतच नाही तो सिनेमा..
शाश्वत सचदेवचे music ह्या अशाश्वत जगात अगदी शेवटपर्यंत म्हणजे शाश्वत राहील..
वानगीदाखल एकच उदाहरण देतो ते म्हणजे रमणा बालचंद्रन ह्यांचे फिर से गाण्यामधील वीणावादन..काय Impact आहे जबरदस्त..
मला नाही वाटत कुठल्याही सिनेमाचे एवढे reels किँवा प्रत्येक पात्राचा interview , podcast वगैरे झाला असेल.
परवा धुरंधर 2 तिसऱ्यांदा थिएटर मध्ये पाहताना मुद्दामून फक्त अर्जुन रामपालचा अभिनय पुन्हा लक्ष देऊन बघितला..
कोणी तरी म्हणाले होते की आम्ही सगळे जाऊ पण हा सिनेमा अजरामर होईल व लोकांच्या लक्ष्य राहील.
जाता जाता धुरंधर बद्दल अजून एक गोष्ट...
देशासाठी लढणारा गुप्तहेर व संबंधित माणसांची सत्यकथा,..पण ही कथा प्रत्येकाने आयुष्यात धैर्याने आयुष्याशी लढत कसे यश मिळवायचे हे शिकवते.
आयुष्यात प्रत्येकाला struggle आहेच..
अगदी नोकरदार सामान्य माणूस , रेल्वेने प्रवास करून नोकरी व आयुष्यात असलेल्या सर्व जबाबदाऱ्या पार पाडून निवृत्त होऊन मृत्यूपर्यंत, व्यावसायिकांचे struggle वेगळे...
अजून कोणाचे अजून वेगळे.
तसा प्रत्येक जण आपापल्या आयुष्यात धुरंधर असतोच.
पण आदित्य धर चा हा धुरंधर आपल्याला स्ट्रगल कसे हाताळायचे व कसे धैर्य राखत ध्येय गाठायचे हे चांगलंच शिकवतो..
आणि ही लढाई लढताना शाश्वत सचदेवाचे संगीत मनाला आवश्यक ती उभारी व चेतना पुरवत..
धुरंधर चा 3 reviews चा प्रवास आता इथेच थांबवतो.

जय हिंद
🌹🙏🇮🇳
संजय सुभाष वेलणकर

असे reviews व सर्व लेख माझ्या Sanjay's Box Office ह्या ब्लॉगवर वाचत राहा ..ही घ्या लिंक..
http://sanjaysvelankar.blogspot.com

Comments

Post a Comment

Popular posts from this blog

धुरंधर 2 The Revenge

Image
श्री धुरंधर 2 , The Revenge मित्रहो , माझा हा रिव्ह्यू थोडासा तिखट असणारे बर का ! हे स्पेशली ,त्या लब्ध प्रतिष्ठित लोकांसाठी ,जे  आपापल्या कम्फर्ट झोन मध्ये राहणारे,  फार violent आहे नाही मूवी ?, मला उडते तीर घ्यायचे नाहीत ,  आपण बरं आणि आपलं बर , अशा संकुचित विचारसरणीचे,  आम्ही टॅक्स भरतो , अजून काय करायचं देशासाठी, बजेटमध्ये आम्हाला काय मिळणार, मतदानाच्या दिवशी सुट्टी घेणारे, आपण काहीही न करता राजकारण्यांना नाव ठेवणारे आणि ह्या सगळ्याचा, वृथा अभिमान बाळगणारे ' आपलेच ' भारतीय . यात माझा पण बराच मित्रपरिवार आहे , जो माझ्याकडून नित्य नियमितपणे त्यांच्या ह्या असल्या स्वभावा बद्दल शिव्या खात असतो. असो ! मी नेहमीप्रमाणे सिनेमाची स्टोरी किंवा कुठलाही spoiler ( जो मी कधीच देत नाही)  देणार नाही, मला माहितीये,  सोशल मीडियावर आणि युट्युब वर काही विघ्न संतोषी लोकांनी बरेच spoiler आधीच दिलेले आहेत. पण, धुरंधर 2 बघून.. पाकिस्तान किती घाणेरडा आहे हे कळतं भारता विरोधी किती विष त्यांच्या मनात आहे हे कळतं लियारी नामक जुन्या कराची मध्ये लोक कसे जगतायत हे कळतं अत्य...
Read more

क्रांतिज्योती विद्यालय

Image
श्री  क्रांतिज्योती विद्यालय  कोणतेही लहान मूल , कळायला लागल्यापासून , घरातील सर्वांचे अनुकरण करत असते, बोलायला लागल्यापासून , जे ऐकतात, ते जसे जमेल तसे , बोलायचा प्रयत्न करतात. दुसऱ्या भाषेत , घरात जी भाषा बोलली जाते ,  त्या ' मातृभाषेतच ' लहान मुले बोलायला लागतात. कारण जन्मत: ती मातृभाषाच त्यांना समजायला लागते आणि हळूहळू सगळे ज्ञान त्यांना अगदी सज्ञान होईपर्यंत त्यांना मातृभाषेतून अधिक काय, सर्वात जास्ती समजते. म्हणूनच शालेय शिक्षण हे त्या त्या मातृभाषेतून आणि  मातृभाषेतूनच घेतले पाहिजे , पुढे काहीही जड जात नाही. स्वतःवरून सांगतो, इलेक्ट्रॉनिक्स डिप्लोमा व डिग्री इंजिनीअरिंग करून आज बऱ्याच देशात कामानिमित्त गेलो आहे, जात असतो, कॉर्पोरेट जगतात बऱ्याच foreigners सोबत कामानिमित्त संवाद, सुसंवाद आणि माहितीची देवाण घेवाण सुद्धा उत्तम इंग्रजी मध्ये ( जी आज जागतिक व्यावसायिक भाषा आहे, आणि हे सत्य नाकारता येणारच नाही) करतो. ( आता Chinese भाषा पण शिकवतो मी ). असो,  आता इथून पुढे मात्र मातृभाषेचे महत्व, श्री. सचिन खेडेकर  ह्या चित्रपटाद्वारे आपल्याला सा...
Read more

The list

Image
श्री  IT क्षेत्रातील तरुण नवरा बायकोच्या यांत्रिक व अत्यंत चाकोरीबद्ध जीवनावर प्रकाश टाकणारी एक शॉर्ट फिल्म. आणि शॉर्ट फिल्म म्हणून हा review पण खूप Short. अंगद बेदी ( pink मधला व बिशन सिग बेदी सुपुत्र ) व उरी मध्ये गुरकिरत झालेली कीर्ती कुऱ्हाडी.. पण एवढे यांत्रिक जगू नका jach ह्यातील संदेश असेल का ? बाकी असे reviews व सर्व लेख माझ्या Sanjay's Box Office ह्या ब्लॉगवर वाचत राहा .. ही घ्या लिंक.. http://sanjaysvelankar.blogspot.com © संजय सुभाष वेलणकर
Read more